Памочнік прэзыдэнта Расеі Ўладзімір Мядзінскі сьцьвярджае, што расейскі бок перадаў Украіне першы сьпіс з 640 ваеннапалонных у катэгорыях «параненыя», «цяжкахворыя» і «моладзь» для пачатку абмену. Пацьверджаньня гэтай заявы з украінскага боку няма.
Прэзыдэнт Украіны Ўладзімір Зяленскі адпрэчыў параўнаньне Ўкраіны і Расеі з дзецьмі, якія бʼюцца. Яго раней зрабіў прэзыдэнт ЗША Дональд Трамп.
Раніцай 7 чэрвеня ў выніку апэрацыі ВПС Украіны на Курскім напрамку быў зьбіты расейскі зьнішчальнік Су-35. Пра гэта гаворыцца ў заяве Паветраных сіл Узброеных сіл Украіны; іншых падрабязнасьцей справаздача не ўтрымлівае.
Расея ў ноч на суботу атакавала Ўкраіну 215 бесьпілётнікамі і ракетамі, гаворыцца ў паведамленьні ўкраінскага войска. 174 з іх былі зьбітыя або ўпалі самі, у тым ліку — 167 з 206 запушчаных бесьпілётнікаў.
Якія сапраўдныя мэты візыту кіраўніка Расейскай праваслаўнай царквы патрыярха Кірыла ў Беларусь? Навошта Лукашэнка езьдзіў у Пэкін? Беларускі кантэкст і расейскі адказ на ўкраінскую апэрацыю «Павуціна».
Уначы 6 чэрвеня ў сталіцы Ўкраіны ў выніку ўдараў бесьпілётнікаў загінулі як мінімум чатыры чалавекі, у тым ліку трое пажарнікаў.
Абвінавачваньне сьцьвярджае, што падсудныя ўчынілі пажар на складзе кампаніі, якая пастаўляла абсталяваньне ва Ўкраіну, у тым ліку спадарожнікі Starlink. Прычым падпал замовіла расейская вайсковая група «Вагнэр».
Расея атакавала Ўкраіну ўдарнымі бесьпілётнікамі і ракетамі розных тыпаў, у выніку чаго загінулі як мінімум чатыры чалавекі і дзясяткі атрымалі раненьні.
5 чэрвеня Расея нацэліла свае ракеты на Херсон.
Генэральны штаб Узброеных сілаў Украіны заявіў пра пашкоджаньне пускавых установак ракетнага комплексу «Іскандэр» у Бранскай вобласьці.
Паводле зьвестак амэрыканскай выведкі, у выніку ўкраінскіх паветраных удараў па расейскіх вайсковых аэрадромах 1 чэрвеня былі нанесеныя ўдары па 20 самалётах.
Ва ўкраінскіх Прылуках на Чарнігаўшчыне ў выніку масаванага расейскага ўдару бесьпілётнікамі ўначы 5 чэрвеня загінулі пяць чалавек, у тым ліку аднагадовае дзіця. У Харкаве паведамляюць пра 17 пацярпелых.
На 28-й сустрэчы ў фармаце «Рамштайн», якая адбылася 4 чэрвеня ў штаб-кватэры NATO, Украіна і дзяржавы-партнэры дамовіліся аб стварэньні мэханізма абароннай вытворчасьці.
Сьвежыя спадарожнікавыя здымкі кампаніі Maxar паказваюць наступствы ўкраінскай атакі бесьпілётнікаў на вайсковыя аэрадромы «Аленевая» ў Мурманскай і «Белая» ў Іркуцкай вобласьцях Расеі 1 чэрвеня.
Як Украіна, так і яе партнэры не ўспрымаюць сурʼёзна прапановы Расеі, выкладзеныя ў так званым мэмарандуме, які быў перададзены расейскай дэлегацыяй на перамовах у Стамбуле. Аб гэтым заявіў у сераду прэзыдэнт Украіны Ўладзімір Зяленскі.
У межах найбольшага за апошні час абмену Ўкраіна перадала Расеі трох палонных беларусаў. Цяпер яшчэ 8 застаюцца ва ўкраінскім палоне.
Армія Расеі ў ноч на 4 чэрвеня ўдарыла па Харкаве бесьпілётнікамі і ракетамі.
Паводле СБУ, мост замінавалі ўкраінскія дывэрсанты-падводнікі, і сёньня а 04.44 раніцы прагрымеў выбух.
Пасьля мірных перамоваў у Стамбуле Расея зноў атакавала Ўкраіну, ёсьць ахвяры.
Калі ў мінулым месяцы Эўрапейская камісія пачала інфармаваць дзяржавы ЭЗ аб плянаваным наступным пакеце санкцыяў супраць Расеі, 27 краін-чальцоў чакалі канкрэтных пісьмовых прапановаў. І ўсё яшчэ чакаюць.
На перамовах у Стамбуле 2 чэрвеня расейскі бок прапанаваў вярнуць Украіне толькі дзесяць дзяцей, вывезеных у Расею.
Стала вядома, якія ўмовы гэтым разам ставіць Кіеву Масква.
У Турэччыне завяршыўся другі раўнд перамоваў паміж украінскай і расейскай дэлегацыямі. Перамовы, як паведамілі ў Міністэрстве замежных спраў Турэччыны, доўжыліся крыху больш за гадзіну.
Вадзім Кабанчук, прадстаўнік у абароне і нацыянальнай бясьпецы АПК, экс-намесьнік камандзіра палку Каліноўскага, ацэньвае як палітык і як былы вайсковец украінскую апэрацыю супраць расейскай стратэгічнай авіяцыі і заяву Ўладзіміра Зяленскага пра тое, што можа адбыцца ў Беларусі летам 2025 году.
Дапамога Украіне ў барацьбе з Расеяй перадухіляе агрэсію супраць Эўразьвязу. Пра гэта прэзыдэнт Украіны Ўладзімір Зяленскі заявіў 2 чэрвеня на адкрыцьці сустрэчы лідэраў «Бухарэсцкай дзявяткі» і NATO ў Вільні.
Прадстаўнік ініцыятывы былых беларускіх сілавікоў BelPol Уладзімер Жыгар камэнтуе для Свабоды, ці магчымыя ўкраінскія дронавыя атакі па расейскіх ваенных аб’ектах на тэрыторыі Беларусі, а таксама па беларускіх прадпрыемствах, якія працуюць на расейскую ваенную прамысловасьць.
Украінскі палітоляг Яўген Магда камэнтуе Свабодзе, які сыгнал дасылае Аляксандру Лукашэнку ўкраінская апэрацыя па зьнішчэньні расейскіх вайсковых аб’ектаў, ці магчымыя падобныя атакі на расейскія вайсковыя абʼекты ў Беларусі.
«Украінская атака на расейскія аэрадромы стала шокам для Крамля, і несумненна, яна зьяўляецца пэўным шокам і для Беларусі таксама», — лічыць расейскі палітоляг Аляксандар Марозаў.
Раней сваякі пачалі шукаць яшчэ двух беларусаў, якія зьніклі ў баях на тэрыторыі Ўкраіны.
Тры гады зь лішнім большая частка Расеі назірала за вайной, якую пачало поўнамаштабнае ўварваньне Крамля ва Ўкраіну, здалёк. Цяпер, як кажуць некаторыя, сьмелая атака Кіева ў глыбіні Расеі азначае, што вайна дайшла да іхнага парогу.
Пашкоджаныя або зьнішчаныя не менш як 10 самалётаў.
Украінская апэрацыя супраць расейскай стратэгічнай авіяцыі, праведзеная 1 чэрвеня, можа «прынамсі часова» абмежаваць здольнасьць Расеі наносіць дронавыя і ракетныя ўдары па Ўкраіне, піша ў сваёй справаздачы амэрыканскі Інстытут вывучэньня вайны (ISW).
Пачатак перамоваў у Стамбуле чакаецца 2 чэрвеня а 13 гадзіне.
Беларусь зь першых дзён «канфлікту» ва Ўкраіне выступае за мірнае ўрэгуляваньне, заявіў амбасадар Беларусі ў Турэччыне Анатоль Глаз.
Галоўнае ўпраўленьне выведкі Міністэрства абароны Украіны (ГУР) паведаміла, што ў ноч на 31 траўня на чыгуначным участку непадалёк ад паселішча Якімаўка Мелітопальскага раёну Запароскай вобласьці, якое знаходзіцца пад кантролем расейскіх войскаў, падарваны расейскі вайсковы цягнік.
Спэцапэрацыю «Павуціньне», накіраваную на стратэгічную авіяцыю Расеі, рыхтавалі больш за паўтара года, паведаміла 1 чэрвеня Радыё Свабода на ўмовах ананімнасьці крыніца ў Службе бясьпекі Ўкраіны, не ўпаўнаважаная публічна камэнтаваць пытаньне.
Прэзыдэнт Украіны Уладзімір Зяленскі ў сваім пасьце ў Тэлеграме пацьвердзіў, што ўкраінская дэлегацыя прыме ўдзел у другім раўндзе перамоваў з Расеяй, які мае адбыцца ў панядзелак, 2 чэрвеня, у Стамбуле.
Дроны атакавалі 1 чэрвеня расейскія авіябазы ў Мурманскай і Іркуцкай вобласьцях. Паводле тэлеграм-каналу Baza і іншых праваенных рэсурсаў, ідзецца пра базы «Аленевая» ў Мурманскай вобласьці і «Белая» ў Іркуцкай вобласьці.
14 ліпеня 2022 году а 10-й раніцы расейскае войска тройчы ўдарыла ракетамі па цэнтры Віньніцы. Там, у гарадзкой паліклініцы, якраз былі Раман з мамай Галінай. Раман выжыў цудам. Радыё Свабода апавядае ягоную гісторыю.
Ня менш як 7 чалавек загінулі і больш за 70 пацярпелі, калі позна вечарам 31 траўн ў раёне пасёлка Выганічы ў Бранскай вобласьці абрынуўся аўтамабільны мост падчас праезду пад ім пасажырскага цягніка.
Пасьля зімовага зацішша Расея паскарае тэмп апэрацыяў ва Ўкраіне. Украіна рыхтуецца да летняга расейскага наступу, неба запоўнена бесьпілётнікамі, а палі ўсыпаныя матацыкламі.
Прэзыдэнт Украіны Ўладзімір Зяленскі заявіў, што Расея спрабуе выкарыстоўваць захопленых замежных добраахвотнікаў для ціску на свае краіны. Паводле яго слоў, Расея таксама адмаўляецца абменьваць грамадзян Беларусі, якія ваявалі на баку Ўкраіны.
Міністар абароны Беларусі Віктар Хрэнін на сустрэчы міністраў абароны АДКБ у Бішкеку выступіў з гучнай заявай, якая, відавочна, мела на мэце выклікаць палітычны эфэкт.
Расейская армія ў ноч на чацьвер атакавала тэрыторыю Ўкраіны 90 бесьпілётнікамі далёкага дзеяньня, у тым ліку ўдарнымі дронамі тыпу «Шахед».
У ноч на 29 траўня ў расейскім Стаўрапалі ад выбуху ў двары жылога дому загінулі два чалавекі, у тым ліку першы намесьнік мэра гораду Заур Гурцыеў.
МЗС Украіны прапануе Расеі падаць свае прапановы аб спыненьні агню.
Расейскае міністэрства абароны паведаміла аб перахопе 296 украінскіх бесьпілётнікаў у ноч на 28 траўня.
Аднак для Ўкраіны гэта немагчыма, сказаў украінскі прэзыдэнт Уладзімір Зяленскі, якога цытуе Reuters.
Прэзыдэнт ЗША Дональд Трамп другі раз за апошнія дні раскрытыкаваў Уладзіміра Пуціна за вайну ва Ўкраіне.
Расея вярнула ва Ўкраіну больш чым пяць тысяч ваеннапалонных. Але ня ўсіх жывымі.
Загрузіць яшчэ
