«Я аддаў распараджэньне арміі прадухіліць прыбыцьцё флятыліі Madleen у Газу... Антысэмітцы Грэце і яе спадарожнікам, рупарам прапаганды ХАМАС, я кажу ясна: разварочвайцеся, вы не дасягнеце Газы», — гаворыцца ў заяве міністра, апублікаванай яго офісам.
Заяву цытуе AFP.
Карабель Madleen, якое ўваходзіць у міжнародную кааліцыю «Флятылія свабоды», выйшаў з італійскага порта Катаньня на ўзьбярэжжы Сыцыліі 1 чэрвеня і ў суботу ўвайшоў у тэрытарыяльныя воды Эгіпту, гэта зусім блізка да Ізраілю і Газы.
Заяўленая мэта місіі — дастаўка гуманітарнай дапамогі насельніцтву.
Кац падкрэсьліў, што блякада Газы скіраваная на прадухіленьне паставак зброі для ХАМАС — радыкальнай палестынскай групоўкі, прызнанай у ЗША і ЭЗ тэрарыстычнай арганізацыяй.
Місія арганізавана «Кааліцыяй флятыліі свабоды», якая ўжо 15 гадоў спрабуе трапіць па моры ў Газу праз тэрытарыяльныя воды, якія кантралюе Ізраіль.
Грэта Тунбэрг стала ўсясьветна вядомай пасьля эмацыйнай прамовы на кліматычным Саміце ААН у 2019 годзе. Ёй тады было ўсяго 16 гадоў.
Яна адкрыта гаворыць пра тое, што мае сындром Аспэргера (адна з формаў аўтызму), і лічыць гэтую сваю асаблівасьць «супэрсілай», якая дапамагае ёй не адступаць ад сваіх перакананьняў.
Часопіс Time у 2019-м назваў яе «чалавекам году».
Форум